Senin, 29 Agustus 2016

Kisah Lucu Pribadi Guru H. Zuhdi Banjarmasin


1.Aku(Abah Haji Guru Zuhdi) bejalan ke warung muka handak nungkar rokok. Waktu itu aku pakai kupiah haji baju kaos dalaman putih memakai selawar. Pas aku di tengah jalan bepapasan lawan urang tuha betakun lawan aku. Ujar sidin ne ,Maaf lah pian tahu lah rumah guru Zuhdi yg rancak bebacaan tu. Lalu ujar Aku,inggih tahu lun,pian lurus aja kaena di ujung jalan yg buntu ini di pehabisan jalan disitu rumah sidin(padahal nang di cari sidin yg menunjukan jalan)
Lalu urang tuha ini betakun lagi,Guru nya ada ja kah. Aku jawab inshaa Allah ada ja sidin pian datangi ja kesana.
Lalu sidin kesana,aku betarus ke warung menungkar rokok. Rupanya urang tuha ini ketemu bini ku dan di suruh nya mehadangi duduk di pelataran.
Aku bulik kerumah aku lihat sidin duduk di bangku di pelataran. Aku takuni sidin nya,jar Ku adakah Guru Zuhdi nya,dijawab sidin Guru nya lagi kemuka lun di suruh bini guru mehadangi di sini. Lalu keluar bini ku sambil baucap,nah ini urang yg pian cari sambil menunjuk lwn Aku. Maka takajut urang tuha tadi sambil baucap,oh pian kah Guru. Han ky itu pang jd kd pinandu lwn guru ujar beliau dan jemaah pun tertawa.
2. Aku(Abah Haji Guru Zuhdi) biasa kalo ada kebakaran turun langsung. Pakaian ku lengkap jua mun turun ke tempat kebakaran. Pakai helm pakai jaket kebakaran tu lwn pakai sepatu bot lawan jua kd ketinggalan bw rokok beberapa bungkus. Kaena ku bagi gasan petugas pemadam yg lain himung inya di bari rokok. Waktu habis memadam kan kebakaran lalu besesimpun nai,aku jua rasa panas jd aku buka helm yg kupakai. Lalu ada petugas pemadam kebakaran lain dr majta tp dari personel lain maitihi banar lawan aku sambil baucap,Pian ne mirip banar lawan guru zuhdi yg bebacaan di mesjid jami sei jingah tu,tapi rasa kd mungkin pulang ujar urg tu smbl janak maitihi ku. Aku bediam haja. Lalu urang itu baucap lagi,pian ne ading nya Guru Zuhdi kah. Aku iih kan nai. Lalu inya baucap lagi titip salam lah lawan Guru zuhdi dari ulun. Lalu aku jawab,inggih kaena aku sampai kan salam dari pian lawan guru Zuhdi. Han jar Aku bebila bila kah aku baisi ading nang muha nya mirip aku,jemaah pun tertawa.
3. Waktu Aku(Abah Haji Guru Zuhdi) tulak utk tugas pemadaman aku umpat di mobil majta. Nah waktu tuntung pemadaman dan handak bulik aku cari mobil pemadam dari Majta sdh kdd lagi. Berati aku di tinggalkan nya bedahulu rupanya supir nya kd tahu kalau aku tadi umpat di mobil.
Mobil yg lain sdh kddan lagi jua jadi aku mencari ojek bulik.
Dapat ojek,betakun tukang ojek nya handak minta antarkan kemana. Ujar ku antarkan ke jalan yg di belakang mesjid jami sungai jingah. Lalu tukang ojek nya menjawab tahu ae ulun yg parak rumah guru zuhdi tu kalo. Aku jawab inggih jar ku.
4.Waktu ada api gonol maka aku meingkuti selang jua handak menyemprot api nya,petugas yg lain kaya itu jua menyemprot. Tanpa sengaja ada petugas krn panik menyemprot maka banyu nya kena kepala aku sampai tekipai kupiah haji ku. Wkt itu ada petugas yg lain sangit lwn petugas ini,jar ku kd papa krn inya panik jua jd kd melihati ada aku di muka nya. Tapi aneh nya waktu kupiah haji ku kena semprot melayang pas kena rumah yg tebakar,langsung pajah api nya. Jadi jar ku beapuah jua kupiah haji ku ne lngsng pajah api nya. Jadi tuntung apinya kw di padamkan aku kesitu lagi mengikih ngikih mencari kupiah ku,tuhuk mencari kdd lg kupiah nya. Padahal jaka dapat kw tu mun ada kebakaran rumah ku timbai ja kupiah nya pajah api nya kd repot menyemprot lg,tapi kd dapat aku mencari kupiah nya tuhuk sudah mengikih.
Jadi kaena amun ada kebakaran dan pian lihat disitu ada yg mirip Abah Haji Guru Zuhdi mk itu lain ading nya Guru Zuhdi tapi Guru zuhdi sendiri.
Guru Zuhdi baucap, aku kalo api yg gonol banar biasa nya aku turun langsung kesana umpat memadam kan.
Ampun maaf ulun

sumber : Pecinta Waliyullah

Artikel Terkait

4 komentar: