Pernah ulun takuni kaya'pa gigi Sidin (Abah Guru), luar biasa, jar Bu Ita, gigi Sidin rapi banar susunannya, iya banar biji jagung, rata, kededa sulang sulait, bersih, dan putih untuk ukuran orang yang belum pernah memeriksakan giginya ke Dokter.
Awalnya bu Ita ini, sidin sekedar mengawani Dr Gigi di Bjb (Banjar Baru), yang dikiau Abah Guru kerumah untuk memeriksa gigi Sidin, karena Bu Ita ini supel, bepender seadanya tapi lucu menghibur, akhirnya Bu Ita yang paling rancak dikiau Sidin (untuk beperiksa gigi sidin)
Bermula akrab, hanya skitar 2 bulanan kenal lawan Abah Guru, Abahnya Bu Ita meninggal dunia, hari itu jua Bu Ita menghadap Abah Guru, bepadah sidin lawan Abah Guru :
"Bah, abah ulun meninggal" (sidin) sambil menangis..
Dijawab oleh Abah Guru, kadapapa nak'ai, masih ada Abah lagi disni, abah ikam kubur'akan (makamkan) di Alkah Muhibbin, kena Aku nang menalqinkan'nya.
Kejadian itu cukup membuat penasaran warga di Sekumpul, siapa gerang yang meninggal ini..???
Jadi sampai Abah Guru turun menalqinkan sidin. Dan, kaplingan-kaplingan Alkah yang dilalui pijakan langkah Abah Guru yang belum ada ampun'nya, berabut urang handak menukari (tabarrukan), walau dengan harga sedikit terangkat dari harga pasaran, karena memang letak kubur Abahnya Bu Ita bekedalam sedikit.
Suatu waktu Bu Ita dijamu makan beimbai lawan Abah Guru sekeluargaan Sidin. Pas ketika Abah Guru handak menyuap, Bu Ita baucap :
"Sini nah Bah, ulun aja menyuapi pian" (tabarrukan) mau ai Sidin disuapi.
Bu Ita termasuk urang nang diperbolehkan membawa siapa aja untuk bertamu, walaupun kada sekaligus jua. Mulai Mama sidin, dingsanak, sepupu, bahkan urang-urang dikampung asal Bu Ita, Birayang Barabai.
Sidin ini menjadi perawat Gigi Abah Guru dari tahun 2001 sampai tahun 2002'an, hingga sekarang masih merawat Gigi Ibu-ibu kita (Istri Abah Guru) dan Dua Anak Sidin (Muhammad Amin Badali & Ahmad Hafi Badali)
Oleh : @Ka Bayu.
0 komentar:
Posting Komentar